stepx – Armenian Sanatorium of Azounieh https://armeniansanatorium.org Հայ Ազգային Բուժարան - Ազունիէ Mon, 16 Dec 2024 10:41:22 +0000 en-US hourly 1 140436264 «Ֆայհա» Երգչախումբին Հայերէնով Համերգը Պանծացուց Ազունիէի Հայ Ազգային Բուժարանի 100-Ամեակի Յոբելենական Հանդիսութիւնը https://armeniansanatorium.org/%d6%86%d5%a1%d5%b5%d5%b0%d5%a1-%d5%a5%d6%80%d5%a3%d5%b9%d5%a1%d5%ad%d5%b8%d6%82%d5%b4%d5%a2%d5%ab%d5%b6-%d5%b0%d5%a1%d5%b5%d5%a5%d6%80%d5%a7%d5%b6%d5%b8%d5%be-%d5%b0%d5%a1%d5%b4%d5%a5/ Mon, 24 Jun 2024 10:40:15 +0000 https://armeniansanatorium.org/?p=2469 Երաժշտութեան միջազգային պատմութիւնն ու ծագումը երբ կ՛ուսումնասիրենք, այնտեղ յստակօրէն կը վկայենք անոր ներգործօն ազդեցութեան եւ մարդուն հոգիին խորը թափանցելու կարողութեան մասին: Անոր միջոցով կարելի է արտայայտել` մարդկային զգացումները, միտքերը, գաղափարներն ու ապրումները: Ըստ հոգեբաններու, երաժշտութիւնը ոչ միայն կը բարելաւէ տրամադրութիւնը, այլ նաեւ կ՛օգնէ հասնելու նպատակներուն, ըլլալու աւելի ինքնավստահ ու հաւատալու սեփական ուժերուն: Այս առումով, յոյն գիտնական եւ փիլիսոփայ Պիւթակորասը  առաջիններէն  էր, որ հաստատեց երաժշտութեան  կարեւորութիւնը` մարդու հոգեկան եւ ֆիզիքական  վիճակի բարելաւման համար:

Իսկ հայ ժողովուրդի պատմութեան մէջ հայ երաժշտութիւնը իւրայատուկ կարեւորութիւն եւ տեղ ունի: Ի զուր չէ, որ աշուղներն ու գուսանները` իբրեւ  մշակոյթին կեանք եւ հոգի ներարկողներ, իրենց յօրինումներով եւ ստեղծագործութիւններով հայ մշակոյթի գանձարանին մէջ իրենց անմնացորդ եւ հարուստ աւանդը ձգած են` քաջ գիտնալով, որ անոնք հայապահպանման  առաքելութեան նպաստող ազդակներ են:

Երաժշտութեան ընձեռած բարձրարժէք ներկայացման առանձնայատկութեամբ, միութիւններ եւ կազմակերպութիւններ կը նախաձեռնեն յոբելենական հանդիսութիւններու` երաժշտութեան միջոցով վերարժեւորելու համար հաստատութեան մը նուիրեալ գործունէութիւնը:

Պէյրութէն ոչ շատ հեռու Ազունիէ շրջանին մէջ Հայ ազգային բուժարանը կը խորհրդանշէ դար մը ծառայութիւն  եւ նուիրում` հայ առաքելական եւ հայ աւետարանական համայնքներու ձեռներէց եւ հեռատես կաթողիկոսներու եւ վերապատուելիներու ջանքերուն շնորհիւ: 100 տարուան ընթացքին Ազունիէի Հայ ազգային բուժարանի պատսպարեալները իրերայաջորդ խնամակալութիւններու, տնօրէններու, բժիշկներու, բուժքոյրերու, անձնակազմին անդուլ ծառայութեան բարիքները վայելած են ու կը շարունակեն վայելել: Ազունիէի հիմնադրութեան օրերուն ջարդէն ճողոպրած փիւնիկի նման յառնող հայ ժողովուրդի զաւակները, որոնք Ցեղասպանութեան արհաւիրքին ցաւը չամոքած, վրայ հասած է թոքախտի համաճարակը: Այս ծառայութենէն օգտուած են եւ կը շարունակեն օգտուիլ լիբանանցի եւ ոչ լիբանանցի հայրենակիցներ:

Հայ ազգային բուժարանի հարիւրամեայ ծառայութեան վրայ լոյս սփռելու եւ անոր վաստակը արժեւորելու համար նորակազմ խնամակալութիւնը յատուկ համերգով, յանձին Լիբանանի «Ֆայհա» երգչախումբին (Միջազգային երգչախումբերու դափնեկիր), գեղարուեստական ղեկավար մայեսթրօ Պարգեւ Թասլաքեանի, որոշեց պանծացնել այս հաստատութեան առաքելութիւնը:

Արդարեւ, կիրակի, 9 յունիս 2024-ին, քաղաքի Հայ աւետարանական Ա. եկեղեցի փութացած էին գաղութի կրօնական, ազգային, բարեսիրական, միութենական պատասխանատուները` ականատես վկան դառնալու «Ֆայհա» երգչախումբի հայերէն իւրայատուկ համերգին եւ Հայ ազգային բուժարանի 100-ամեակի նուիրուած յուշամատեանի շնորհահանդէսին:

Հայ ազգային բուժարանի խնամակալութեան անունով Սօսի Փոլատեան բարի գալուստի խօսք արտասանեց եւ յիշեց ձեռնարկին առիթը` 1923-էն ի վեր տարբեր ախտերու բուժման, իսկ ներկայիս ծերերու հոգատարութեան կեդրոնի` Հայ ազգային բուժարանի հարիւրամեակի նշում: Ան դիտել տուաւ, որ Ազունիէն կը վայելէ հովանաւորութիւնը Մեծի Տանն Կիլիկիոյ Արամ Ա. վեհափառին եւ Մերձաւոր Արեւելքի Հայ աւետարանական եկեղեցւոյ նախագահ վերապատուելի դոկտ. Փոլ Հայտոսթեանին:

Սօսի Փոլատեան յայտնեց, որ բուժարանը խորհրդանիշն է` մեր ազգային պատմութեան, համերաշխ եւ ներդաշնակ գործունէութեան, իրական ու գործնական հայրենասիրական աշխատանքին, աւելցնելով, որ անիկա ծառայեց ու կը ծառայէ ոչ միայն հայերուն, այլ նաեւ Լիբանանի, դրացի երկիրներու եւ արտասահմանի հայութեան եւ օտարին` հանդիսանալով երախտագիտական գործնական արտայայտութիւնը` հանդէպ Լիբանանի ժողովուրդին, որ սրտբաց հիւրընկալեց Հայոց ցեղասպանութենէն ճողոպրածները:

«Ազգային բուժարանի խնամակալութիւնը նախանձախնդիր է, որ հոն ապաստան գտնողները հարկ եղած հոգատարութիւնը ստանան առողջ եւ զուարթ մթնոլորտի մը մէջ, ինչպէս նաեւ ան կը գիտակցի համահայկական այս հաստատութեան դերին եւ կ՛ուխտէ միասնաբար մեզի հասած այս թանկարժէք ժառանգը փոխանցել ապագայ սերունդներուն: Թէեւ մարտահրաւէրները` քաղաքական, նիւթական եւ տնտեսական, շատ են, իսկ կարիքները` հսկայական, սակայն վստահելով ձեր բոլորին աջակցութեան եւ սրտբաց նուիրատուութեան` նորանոր ծրագիրներ կը մշակուին», ըսաւ ան: Ս. Փոլատեան շնորհակալութիւն ուղղեց բոլոր անոնց, որոնք բուժարանի հիմնադրութենէն մինչեւ օրս տարբեր ձեւերով զօրավիգ ու նեցուկ հանդիսացած են այս կառոյցին:

Այնուհետեւ անգլերէնով բարի գալուստի խօսք արտասանեց դարձեալ Սօսի Փոլատեան:

«Ֆայհա» երգչախումբը, որ կը բաղկանար աւելի քան 75 անդամներէ (մեծ մասը` լիբանանցիներ, երկու հայեր) իր համերգը սկսաւ հայրապետական օրհներգով: Մօտաւորապէս մէկուկէս ժամուան ընթացքին անգիր կերպով, հմտութեամբ եւ ա քապելա եղանակով երգչախումբը մատուցեց Կոմիտասի, Բարսեղ Կանաչեանի, Էտկար Յովհաննիսեանի, Զարեհ արք. Ազնաւորեանի, դոկտ. Եդուարդ Թորիկեանի դասական, ժողովրդային ստեղծագործութիւնները: Որքա՜ն խորհրդաւոր էր լսել նոյնինքն սոփրանօ Շողիկ Թորոսեանի քաղցրահունչ մենակատարութեամբ Կոմիտասի «Չինար ես»-ը, Էտկար Յովհաննիսեանի «Ձիւն է գալիս»-ը, Կանաչեանի «Օրօր»-ը` երգչախումբին ընկերակցութեամբ: Այստեղ առանձնակի պէտք է յիշել Կանաչեանի ծաւալուն «Նանօր» ստեղծագործութեան ներկայացումը, որուն կատարողական բարձր մատուցումը արժանացաւ ներկաներու բուռն գնահատանքին: «Ֆայհա» երգչախումբը իր ծրագիրին մէջ ներկայացուց նաեւ արաբերէն ազգագրական երգեր: Անշուշտ այս բոլորին ետին կան մայեսթրօ Պարգեւ Թասլաքեանի բծախնդիր աշխատանքն ու ճիգը` երաժշտութիւնը առհասարակ, իսկ հայ երաժշտութիւնը առանձնապէս բարձրորակ, համահունչ կերպով ներկայացնելու արուեստասէր հասարակութեան: Համերգը, որ վերջ գտաւ «Կիլիկիա» երգով, արժանացաւ ներկաներու որոտընդոստ ծափահարութիւններուն, որոնք բարձր մակարդակով ելոյթ մը ունկնդրելու բախտաւորութիւնը ապրեցան: Յոյժ գնահատելի են խնամակալութեան այս նախաձեռնութիւնն ու «Ֆայհա» երգչախումբին հայերէնով ելոյթն ու անոր գեղարուեստական ղեկավար մայեսթրօ Պարգեւ Թասլաքեանին ջանքն ու կորովը:

Համերգէն անմիջապէս ետք Հայ ազգային բուժարանի խնամակալութեան ատենապետ Յակոբ Լատոյեան իր խօսքին մէջ ըսաւ, որ կը նշենք հարիւրամեակը Հայ ազգային բուժարանին, որ ծնունդ առաւ հայոց պատմութեան տարագրութեան փուլին, սակայն դարձաւ խորհրդանիշը մարդկային տոկունութեան եւ հրաշքներու համազօր նախաձեռնութիւններու իրականացման, իսկ նման կառոյցի մը հարիւրամեակը նշելով` անպայման անհրաժեշտ է խոնարհիլ ընկրկիլ չգիտցող մեր ժողովուրդի ոգիին առջեւ:

«Ցեղասպանութենէն ճողոպրած լիբանանահայութիւնը հազիւ սկսած էր ինքնակազմակերպման եւ գոյատեւման իր պայքարին, երբ վրայ հասաւ թոքախտի համաճարակը,  որ ներհայկական համախմբումով հաստատեց Հայ ազգային բուժարանը առաջին տարիներուն Մաամըլթէյնի եւ ապա Ազունիէի մէջ:

«Հայ ազգային բուժարանին ուշագրաւ առանձնայատկութիւններէն մէկը եղած է իր տնտեսական-ելեւմտական երբեմն հաստատ, երբեմն անհաւասարակշիռ վիճակը, որուն կայունացման համար իրենց բարերար հոգիով մեծապէս սատարած են հայերը` աշխարհի բոլոր անկիւններէն: Այդպէս էր անցեալին, նոյնն է նաեւ այսօր. նուիրատուութիւններով, կտակներով եւ հանգանակութեամբ անհատներ եւ միութիւններ համախմբուած են այս իւրայատուկ հաստատութեան շուրջ` երաշխաւորելու համար անոր շարունակական առաքելութիւնը», դիտել տուաւ ան: Այս առիթով Յ. Լատոյեան սրտագին երախտագիտութիւն յայտնեց` Մեծի Տանն Կիլիկիոյ Արամ Ա. վեհափառին, 1923-էն ի վեր զինք նախորդած բոլոր կաթողիկոսներուն, Մերձաւոր Արեւելքի Հայ աւետարանական եկեղեցիներու միութեան նախագահ վերապատուելի դոկտ. Փոլ Հայտոսթեանին եւ զինք նախորդած բոլոր վերապատուելիներուն, բոլոր նախկին եւ գործող, ապրող եւ առյաւէտ բաժնուած խնամակալութիւններուն, բժիշկներուն, բուժքոյրերուն եւ անձնակազմին, որոնցմէ իւրաքանչիւրը իր աշխատանքով դրոշմ մը ձգեց բուժարանի հարիւրամեակի երթին մէջ: Ան յատուկ կերպով յիշեց նաեւ Նիւ Եորքի Հայ բժիշկներու միութեան օժանդակութիւնը, որ տարիներու վրայ եւ մնայուն ձեւով նիւթական եւ բարոյական իր զօրակցութիւնը ունեցած է:

Լատոյեան լուսարձակի տակ առաւ հարիւրամեակին առիթով լոյս տեսած յուշամատեանը, որուն հրատարակութեան մասնակցած են Կարօ Տէրունեանը` ուսումնասիրութիւններով եւ արխիւներու համախմբումով, Վարուժան Թէնպէլեանը` խմբագրութեամբ, Սագօ Գասապեանը` գրաշարութեամբ, էջադրումով, կողքի պատրաստութեամբ ու տպագրութեամբ, նաեւ Մերձաւոր Արեւելքի Հայ աւետարանական եկեղեցիներու միութեան, որուն մեկենասութեամբ հրատարակուեցաւ հատորը: Ան մանրամասնեց, որ յուշամատեանը կ՛ընդգրկէ պատմական, վաւերագրական, լուսանկարներու, խնամակալութեան կազմերու, պաշտօնէութեան եւ բժիշկներու անուանացանկերը, ինչպէս նաեւ` կարեւոր նախաձեռնութիւններու եւ այցելութիւններու նկարներու փունջ մը, անիկա երկրորդ հրատարակութիւնն է, իսկ առաջինը հրատարակուած է 1939-ին: «Յուշամատեանը նաեւ գաղութի պատմութիւնն է: Խնամակալութիւններու, բժիշկներու եւ տնօրէններու անունները ինքնին կ՛ապացուցեն մեր գաղութի ներուժը եւ կամաւոր աշխատանքին կորովը», դիտել տուաւ ան:

Յակոբ Լատոյեան նաեւ տեղեկութիւններ տուաւ 200.000 քառ. մեթր տարածութիւն ունեցող բուժարանին ներկայի պատկերին եւ վերջին շրջանին կատարուած ու ընթացքի մէջ եղող աշխատանքներուն մասին` մատուռի վերանորոգութիւն, առաջին եւ երկրորդ յարկի նորոգութիւններ եւ բարեզարդումներ, խոհանոցի մասնակի նորոգութիւններ, ջեռուցումի արեւային վահանակներու նորոգութիւն, Նիւ Եորքի Հայ բժիշկներու միութեան կողմէ կատարուած աւելի քան 30.000 ամերիկեան տոլարի նուիրատուութեամբ ելեկտրականութեան արեւային վահանակներու զետեղում, քարոզչական, բարեզարդման եւ ընկերային կամաւոր աշխատող կիներու օժանդակ խմբակի կազմութիւն, պարտէզներու վերադասաւորում եւ մաքրութիւն, ծառատնկում, ջրհորի ջուրի զտում: Ան աւելցուց, որ այս կազմակերպչական աշխատանքներէն անդին` Հոթել Տիէօ հիւանդանոցին հետ տոքթ. Համբիկ Քուրիէի ջանքերով եւ աշխատանքով արդէն պատրաստուած է գործակցութեան հեռանկարային ծրագիր մը, որպէսզի քանի մը տարուան ընթացքին Ազունիէն ունենայ հիմնական յատուկ չորս բաժանմունքներ` թոքախտի կեդրոն առանձին շէնքով,  պատսպարեալներու կազդուրման կեդրոն, կարճ ժամանակի բժշկական խնամք, հոգեբուժական ու հոգեբանական հարցերու յատուկ խնամքի կեդրոն:

«Մեր փափաքն է, որ գաղութին մէջ Ազունիէն ըլլայ բոլորին հասցէն, եւ աշխատանք տարուի, որ անտէր ծերեր չունենանք», ըսաւ  Լատոյեան` յիշելով գաղութի կեանքի բարւոք դառնալուն համար գործող այս կառոյցներն ալ եւ հաստատելով, որ նիւթականը հիմքն է այս բոլորին, բայց` ոչ բաւարար պայման. «Անոնց կառավարման եղանակն ու արդիականացումը մեծապէս կը նպաստեն անոնց մարդկային եւ նիւթական յառաջդիմութեան: Կարծէք ժամանակը հասած է, եթէ արդէն ուշ չէ, քննական մտածողութեամբ ղեկավարելու մեր հաստատութիւնները եւ զանոնք երիտասարդականացնելու ոչ միայն տարրերով, այլ նաեւ` արդիականացման պահանջները գոհացնող նորարարութիւններով», եզրափակեց ան` շնորհակալութիւն յայտնելով հարիւրամեակի հանդիսութեան մասնակցած մայեսթրօ Պարգեւ Թասլաքեանին եւ «ՖԱՅՀԱ» երգչախումբին, ինչպէս նաեւ` սոփրանօ Շողիկ Թորոսեանին:

Լիբանանի հայոց թեմի առաջնորդ Շահէ արք. Փանոսեան կարդաց Մեծի Տանն Կիլիկիոյ Արամ Ա. կաթողիկոսին սրբատառ կոնդակը Ազունիէի Հայ ազգային բուժարանի 100-ամեակին առիթով:

Աւարտին բուժարանի առաւել բարգաւաճման, ծառայութեան շարունակականութեան բարեմաղթանքները կատարեց եւ իր առաքելական օրհնութիւնը տուաւ Մերձաւոր Արեւելքի Հայ աւետարանական եկեղեցիներու միութեան նախագահ վերապատուելի դոկտ. Փոլ Հայտոսթեան:

Նշենք, որ բոլոր ներկաները եկեղեցւոյ մուտքին ստացան Ազունիէի Հայ ազգային բուժարանի 100-ամեակի յուշամատեանէն օրինակներ: Հայ աւետարանական եկեղեցւոյ շրջափակին մէջ բոլոր հրաւիրեալները շնորհաւորեցին  խնամակալութիւնը` յոբելենական հանդիսութեան առիթով: Տեղի ունեցաւ հիւրասիրութիւն:

]]> 2469 Clean Up of the Gulbenkian Building https://armeniansanatorium.org/clean-up-of-the-gulbenkian-building/ Thu, 24 Aug 2023 14:09:17 +0000 https://armeniansanatorium.org/?p=2401 ]]> 2401 Renovation of St. Mary’s Chapel in The Armenian Sanatorium of Azounieh https://armeniansanatorium.org/renovation-of-st-marys-chapel-in-the-armenian-sanatorium-of-azounieh/ Tue, 08 Aug 2023 16:30:37 +0000 https://armeniansanatorium.org/?p=2394 ]]> 2394 Restoration of The Human Condition Statue in The Armenian Sanatorium of Azounieh https://armeniansanatorium.org/restoration-of-the-human-condition-statue-in-the-armenian-sanatorium-of-azounieh/ Tue, 08 Aug 2023 16:27:40 +0000 https://armeniansanatorium.org/?p=2391 ]]> 2391 ուրախութեամբ ընդունեցինք վարսայարդար Ռազմիկ Հապէշեանը https://armeniansanatorium.org/%d5%b8%d6%82%d6%80%d5%a1%d5%ad%d5%b8%d6%82%d5%a9%d5%a5%d5%a1%d5%b4%d5%a2-%d5%a8%d5%b6%d5%a4%d5%b8%d6%82%d5%b6%d5%a5%d6%81%d5%ab%d5%b6%d6%84-%d5%be%d5%a1%d6%80%d5%bd%d5%a1%d5%b5%d5%a1%d6%80%d5%a4%d5%a1/ Mon, 19 Jun 2023 09:55:02 +0000 https://armeniansanatorium.org/?p=2361
Երկուշաբթի, 19 Յունիս 2023-ին, Ազունիէի Ազգային Բուժարանին մէջ ուրախութեամբ ընդունեցինք վարսայարդար Ռազմիկ Հապէշեանը, սեփականատէր՝ «Razmig Gents Hairstylist» վարսայարդարման սրահին, (որ կը գտնուի Պուրճ Համուտ, Ճինիշեան Հիմնարկի դիմաց), ընկերակցութեամբ իր օգնական՝ Յարութ Փօլատեանի։

Այցելութեան նպատակն էր Բուժարանի երէցներուն տրամադրել մազերու խնամք եւ յարդարում, նոր սանտրուածք եւ կտրելու բծախնդիր սպասարկութիւն։

Այս բոլորին աւարտին, երէցներուն երեսին ժպիտը ակներեւ էր, իսկ ուրախութիւնը՝ անբացատրելի։

Վարսայարդար Ռազմիկ Հապէշեանին եւ իր օգնականին՝ Յարութ Փօլատեանին վարձքը կատա՛ր կ՚ըսենք, շնորհակալութիւն յայտնելով անոնց՝ իրենց ժամանակին եւ չխնայած ճիգին համար. անոնց սիրայօժար աշխատանքին ի տես երիտասարդ վարսայարդարները ստացան մեր երէցներուն օրհնութիւնը եւ աղօթքները։

]]> 2361 Ազունիէի Ազգային բուժարանի պատսպարեալները ունեցան յիշատակելի օր մը Այնճարի Արեւ ճաշարանէն ներս։ https://armeniansanatorium.org/%d5%a1%d5%a6%d5%b8%d6%82%d5%b6%d5%ab%d5%a7%d5%ab-%d5%a1%d5%a6%d5%a3%d5%a1%d5%b5%d5%ab%d5%b6-%d5%a2%d5%b8%d6%82%d5%aa%d5%a1%d6%80%d5%a1%d5%b6%d5%ab-%d5%ba%d5%a1%d5%bf%d5%bd%d5%ba%d5%a1%d6%80%d5%a5/ Thu, 15 Jun 2023 10:01:19 +0000 https://armeniansanatorium.org/?p=2367
Երէկ, հինգշաբթի, 15 յունիս 2023ին, նախաձեռնութեամբ Հայ Համայնքի Ընկերային Ծառայողներու միութեան վարչութեան, գործակցաբար հայկական ընկերային եւ բժշկական կառոյցներուն, Ազունիէի Ազգային բուժարանի պատսպարեալները ունեցան յիշատակելի օր մը Այնճարի Արեւ ճաշարանէն ներս։
Վարչութեան հրաւէրով ներկայ էին Այնճարի քաղաքապետ` պրն. Վարդգէս Խօշեանը, Պեքաաի հոգեւոր տեսուչ` Հայր Անանիա Ծայրագոյն վարդապետ Գուճանեանը, Այնճարի Հայ Աւետարանական Եկեղեցւոյ հովիւ` Վերապատուելի Յակոբ Ագպաշարեանն ու տիկին Նանօրը.
Ընկերային հարազատ մթնոլորտի աւարտին, պատսպարեալները ստացան յիշատակի նուէրներ։
Միութեանս անունով, առողջութիւն կը մաղթենք բուժարանի պատսպարեալներուն եւ վարձքը կատար Ազգային բուժարանի տնօրէնութեան եւ անձնակազմին։
Մանրամասնութիւնները կը փոխանցենք շուտով։
]]> 2367 Azounieh Armenian National Sanatorium Board Visits the Armenian Evangelical Church https://armeniansanatorium.org/azounieh-armenian-national-sanatorium-board-visits-the-armenian-evangelical-church/ Wed, 14 Jun 2023 09:58:22 +0000 https://armeniansanatorium.org/?p=2364
Ազունիէի Ազգային Բուժարանի Խնամակալութիւնը Հայ Աւետարանական Եկեղեցին Կ՚այցելէ
Չորեքշաբթի, 14 Յունիս 2023ին, Ազունիէի Հայ Ազգային Բուժարանի նորակազմ Խնամակալութիւնը իր առաջին պաշտօնական այցելութիւնը տուաւ ՄԱՀԱԵՄի Նախագահի Տեղապահ Վեր. Դոկտ. Փօլ Հայտօսթեանի՝ Հայկազեան Համալսարանի մէջ։ Բուժարանի նորընտիր Տեսուչին՝ Վահէ Գամպուրեանի հետ, Ազունիէի Խնամակալութեան Ատենապետ Յակոբ Լատոյեան նկարագրեց Բուժարանի մէջ խնամուած տարեցներու եւ հիւանդներու համար տարուած էական աշխատանքը։
Վերջին հարիւր տարիներէ ի վեր՝ Հայ Ազգային Բուժարանը խիստ կարեւոր դեր կատարած է Լիբանանահայ գաղութին եւ ընդհանրապէս Միջին Արեւելքի մէջ, թոքախտի եւ այլ հիւանդներուն՝ Պէյրութէն վեր եղող լիբանանեան լեռնային առողջարար միջավայրի մը մէջ հոգատարութիւն տալով։ Հայ Առաքելական Եկեղեցին (Կիլիկիա) եւ Մերձաւոր Արեւելքի Հայ Աւետարանական Եկեղեցիներու Միութիւնը (ՄԱՀԱԵՄ) միասնաբար կը հովանաւորեն Բուժարանը, որ իր 100-ամեակը 2023ին կը տօնէ։
Դէպի առջեւ նայելով, Ազունիէի Խնամակալութիւնը եւ երկու եկեղեցիներուն պետերը բազմակողմանի ծրագրի մը կը ձեռնարկեն, Բուժարանը վերաշխուժացնելու եւ պատրաստելու՝ հայերու եւ շրջանի ժողովուրդին իր կարեկցական ծառայութիւնը մատուցանելու՝ յառաջիկայ տարիներուն համար։
Azounieh Armenian National Sanatorium Board Visits the Armenian Evangelical Church
On Wednesday, 14 June 2023, the newly-appointed Board of Trustees of the Armenian National Sanatorium at Azounieh paid its first official visit to UAECNE Acting President Rev. Dr. Paul Haidostian at Haigazian University. Accompanied by the Sanatorium’s new Director, Mr. Vahe Kambourian, Azounieh Board Chair Hagop Ladoyan described the critical work being done for the welfare of the ill and elderly in their care.
The Armenian National Sanatorium has held a crucial place in the life of the Armenian Community of Lebanon and the Middle East for the last hundred years, caring mainly for tuberculosis patients in a healthy environment far above Beirut in the Lebanon mountains. Managed jointly by the Armenian Apostolic Church (Cilicia) and the Union of the Armenian Evangelical Churches in the Near East (UAECNE), it celebrates its centennial year in 2023.
Looking ahead to the future, Azounieh’s Trustees, along with the heads of the two churches, are embarking on a multifaceted plan to rejuvenate and equip the Sanatorium to continue its ministry of compassion to Armenians and others in the region in the years to come.
]]> 2364 Կեանքը Ազունիէի Հայ Ազգային Բուժարանին Մէջ https://armeniansanatorium.org/2372-2/ Sat, 20 May 2023 10:03:25 +0000 https://armeniansanatorium.org/?p=2372 Ազունիէի բուժարանի նորակազմ խնամակալութիւնն ու տնօրէնութիւնը, անցնող շաբաթներուն վերակազմաւորման եւ ծանօթացման աշխատանքները կատարելէ ետք, արդէն սկսած է 100-ամեակի նախապատրաստական գործունէութեան:

Ազունիէի մատրան, շէնքերու, այգիներու, ջուրի, ուտեստեղէնի մատակարարման եւ պաշտօնէութեան ընդհանուր արժեւորումները արդէն կը կատարուին:

 

Իւրաքանչիւր պատսպարեալի առողջական յատուկ տախտակի պատրաստութիւնները կատարուեցան, եւ բժշկական խորհուրդ մը նշանակուեցաւ, որպէսզի կարելի ըլլայ ամսական դրութեամբ գետնի վրայ հսկողութիւն եւ դասաւորումներ ընել:

Միւս կողմէ` աշխատանք տարուեցաւ, որպէսզի Ազունիէի պատսպարեալներուն այցելութիւններ կատարուին: Յառաջացաւ օժանդակ կիներու մարմին մը, որ արդէն ծրագրաւումի մէջ է` սնունդի, քարոզչական, առողջապահական եւ այլ մարզերուն մէջ օժանդակութիւն ցուցաբերելու միտումով:

Նշանակուեցաւ սննդագէտ մը` ուտելիքներու քանակն ու որակը ճշդելու, ինչպէս նաեւ առողջ սնունդի համակարգ մը ստեղծելու նպատակով:

Նշանակուեցաւ ֆիզիոթերափի կատարող մը, որ իւրաքանչիւր պատսպարեալի յատուկ ցուցմունք պիտի տայ մարզանքի, քալելու եւ այլ շարժուձեւերու վերաբերող, որպէսզի աւելի կայտառ ու առողջ մնան:

Այս բոլորին զուգահեռ, բուժարանի բնակիչները ունեցան նաեւ հետեւեալ այցելութիւնները:

15 ապրիլ 2023-ին Ազունիէի Հայ ազգային բուժարան այցելեցին Հայ համայնքի ընկերային ծառայողներու միութեան եւ ՀԵՀՈՄ-ի վարչութիւնները եւ խանդավառ ժամանց ունեցան պատսպարեալներուն հետ, կատարեցին հաւկթախաղ` նկատի ունենալով, որ Ս. Զատկուան տօնին առթիւ էր այցելութիւնը: Նաեւ բուժարանի մատուռին մէջ տեղի ունեցաւ Տէրունական աղօթք` Զաւէն վրդ. Նաճարեանի կողմէ:

 

Կիրակի, 16 ապրիլ 2023-ին խումբ մը «Հայ ռայտըր»-ներ այցելեցին բուժարան եւ խոստացան մօտիկ ապագային լրիւ կազմով այցելել պատսպարեալներուն:

 

Ուրբաթ, 23 ապրիլ 2023-ին Ս. Յարութեան հանդիսաւոր ս. պատարագ տեղի ունեցաւ բուժարանի մատուռին մէջ` ներկայութեամբ Խալիլ Պատաուիի Ս. Յարութիւն եկեղեցւոյ հովիւ Ղեւոնդ քհնյ. Լոշխաճեանի եւ Հայաշէնի Ս. Յովհաննու եկեղեցւոյ հովիւ Վարդան քհնյ. Մարտիրոսեանի: Երգեցողութիւնը կատարեց Խալիլ Պատաուիի եկեղեցւոյ դպրաց դասը:

Ապա պատսպարեալները հաղորդուեցան եւ սրտի ամենայն գոհունակութեամբ բարձրացան իրենց սենեակները` սպասելով յաջորդ այցելութեան:

Վստահ ենք, որ նման այցելութիւններ կը սփոփեն եւ հոգեկան գոհունակութիւն կու տան թէ՛ այցելուներուն եւ թէ՛ բուժարանի պատսպարեալներուն:

 

Ազունիէի բուժարանի խնամակալութիւնն ու տնօրէնութիւնը լծուած է այս կառոյցը բոլոր պատսպարեալներուն համար հարազատ ու հանգստաւէտ վայր մը դարձնելու աշխատանքին: Բայց եւ այնպէս մեր ժողովուրդին բարոյական ու նիւթական նեցուկը կարեւոր է մեր ծրագիրներու իրականացման համար:

Ուստի կը դիմենք մեր սիրելի ժողովուրդին, որ իր առօրեայ կեանքին մէջ չմոռնայ Ազունիէի պատսպարեալները, մանաւանդ որ ձեր կողմէ միայն ժպիտ մը ուրախ ու գոհունակ կը պահէ բուժարանին մէջ ապրող մը եւ սիրով կը լեցնէ անոր սիրտը:

Յիշենք, որ ընկերային ցանցերու վրայ արդէն իսկ կը գործէ Ազունիէի Դիմատետրի էջը, ուր այցելելով` կրնաք հետեւիլ տարուած գործունէութեան եւ իրազեկ ըլլալ նորութիւններուն:

Վա՛րձքը կատար բոլորին:

ՄԻ ՄՈՌՆԱՔ ՄԵՐ ՍԻՐԵԼԻ ՀԱՐԻՒՐԱՄԵԱՅ ԲՈՒԺԱՐԱՆԸ

 

ԽՆԱՄԱԿԱԼՈՒԹԻՒՆ ԵՒ ՏՆՕՐԷՆՈՒԹԻՒՆ`
ԱԶՈՒՆԻԷԻ ՀԱՅ ԱԶԳԱՅԻՆ ԲՈՒԺԱՐԱՆԻ

 

Կեանքը Ազունիէի Հայ Ազգային Բուժարանին Մէջ

]]> 2372 Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԱԶՈՒՆԻԷԻ ԱԶԳԱՅԻՆ ԲՈՒԺԱՐԱՆԻ ԽՆԱՄԱԿԱԼՈՒԹԻՒՆԸ https://armeniansanatorium.org/%d5%b6-%d5%bd-%d6%85-%d5%bf-%d5%bf-%d5%a1%d6%80%d5%a1%d5%b4-%d5%a1-%d5%af%d5%a1%d5%a9%d5%b8%d5%b2%d5%ab%d5%af%d5%b8%d5%bd-%d5%a8%d5%b6%d5%a4%d5%b8%d6%82%d5%b6%d5%a5%d6%81-%d5%a1%d5%a6%d5%b8%d6%82/ Fri, 19 May 2023 11:22:03 +0000 https://armeniansanatorium.org/?p=2384 Ուրբաթ, 19 Մայիս 2023-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց Ազունիէի Ազգային Բուժարանի խնամակալութիւնը: Խնամակալութեան ատենապետ Յակոբ Լատոյեանը լայն զեկոյց մը ներկայացուց Հայրապետին՝ խնամակալութեան տարած աշխատանքներուն եւ յառաջիկայ ծրագիրներուն մասին:

Նորին Ս. Օծութիւնը իր բարձր գնահատանքը յայտնեց խնամակալութեան՝ անոր կատարած աշխատանքներուն համար, յատկապէս ներկայ ընկերատնտեսական դժուար պայմաններուն մէջ: Վեհափառ Հայրապետը շեշտեց, որ անհրաժեշտ է Ազգային Բուժարանին մասին լայն եւ հետեւողական տեղեկութիւններ փոխանցել մեր ժողովուրդին: Ան նաեւ թելադրեց, ընթացիկ կարիքներու ընթացք տալու առընթեր, նաեւ յատուկ ծրագիրներ մշակել, որպէսզի աւելի լայն կարելիութիւններ ստեղծուին բուժարանի ծառայութեան:

Ներկայ տարին 100 ամեակն է բուժարանին հիմնադրութեան: Այս առիթով, խնամակալութիւնը կը ծրագրէ կարգ մը ձեռնարկներ կազմակերպել, որպէսզի կարելի ըլլայ նախ իր յարգանքը արտայայտել բոլոր անոնց, որոնք այս կարեւոր հաստատութեան ճամբով ծառայած են մեր ժողովուրդին, եւ ապա՝ ապահովել մեր ժողովուրդին նիւթական նեցուկը՝ տնտեսական դժուարութիւններ դիմագրաւող ազգային կարեւոր այս հաստատութեան, որպէսզի անոր ծառայութիւնը դառնայ աւելի կազմակերպ ու արդիւնաբեր:

]]> 2384 Various Photos https://armeniansanatorium.org/gallery/various-photos/ Thu, 14 Apr 2022 16:20:18 +0000 https://armeniansanatorium.org/new/?post_type=dt_gallery&p=2314 2314