Չորեքշաբթի, 8 սեպտեմբեր 2021-ին Արամ Ա. վեհափառ հայրապետը ընդունեց Ազունիէի Ազգային բուժարանի խնամակալութեան դիւանը: Հանդիպման ընթացին կաթողիկոսը զեկոյց ստացաւ վերջին ամիսներուն բուժարանի գործունէութեան մասին:
Վեհափառ հայրապետը իր գնահատանքը յայտնեց բուժարանի խնամակալութեան եւ տնօրէնութեան կատարած աշխատանքներուն եւ ընդհանրապէս բուժարանին գործունէութեան վերաբերող: Կաթողիկոսը նաեւ գնահատեց Նիւ Եորքի խնամակալութեան կատարած հետեւողական նպաստը, յատկապէս` տնտեսական լուրջ դժուարութիւններով լեցուն այս օրերուն:
Արդարեւ, հայրապետը շեշտեց Մեծի Տանն Կիլիկիոյ կաթողիկոսութեան ամբողջական զօրակցութիւնը առողջապահական բնագաւառին մէջ կարեւոր առաքելութեան լծուած ազգային այս կառոյցին: